طبعا من عنوان الموضوع و كل واحد خد موقف من كلامى
نفكر بهدوء ....ايه المشكله الكبيرة اللى احنا فيها ؟
نبدأ بسؤال مهم :
ايه الهدف اللى احنا عايشين ليه ؟
ربنا خلقنا ليه؟؟طبعا عشان نعبده
(وما خلقنا الانس والجن الا ليعبدون)
احنا الاول بنعبد الله حق عبادته عشان ربنا يوفقنا ويساعدنا ..
هل الاصل فى الحياة ان كل البشر يعيشوا حياه سهله بدون اى مشاكل(ابتلاءات)؟؟
لاء طبعا , يبتلى المرء على قدر ايمانه واكتر بنى ادم ابتلائا الانبياء
هل السعاده الحقيقية هى اننا نحقق كل ما نحلم به ونلبى كل احتياجتنا ؟
لاء طبعا , السعاده الحقيقية هى الرضى بالرزق وراحه الضمير
ما هى اهم هدف للانسان ؟
طبعا , ان يعمل صالحا وانا يعبد الله حتى يدخل الجنة
الطموح شىء مهم وجميل فى حياتنا
اعمل لدنياك كانك تعيش ابدا ..... و اعمل لاخرتك كأنك تموت غدا
لكن
هل الاصل فى الحياة ان يعيش الانسان فى سعادة تامة ؟
هل الاصل ان نعيش جميعا بدون مشاكل؟
هل الاصل ان نصبح جميعا اغنياء؟
سيد الخلق اجمعين سيدنا محمد (صلى الله عليه وسلم) كان فقيرا
الصحابه كانو يمرون بظروف اقسى منا بكثير
كلنا عارفين قصص الانبياء كويس وعرفنا كلهم مروا بايه وضحوا بايه
ايه بقى مشكلتنا ؟؟
ليه كلنا بنفكر اننا نعمل بوظيفة مرموقة و بمرتب كبير وزوجة صالحة وشقة جميلة وعربية و......؟
ده اكيد طموح جميل بس لو محققناش الطموح ده مش معناه ان الدنيا اتهديت لا اودامك فرصة و اتنين و تلاتة و لازم تسعى و تفكر عشان توصل للى انت عاوزه ..
عادى, ممكن نعيش فى ظروف صعبة طول حياتنا وممكن تكون حياتنا عادية
لازم نفكر فى كل الاحتمالات دى
بص لحال باقى الدول الاسلاميه وانت تعرف انك فى نعمة كبيرة نحمد الله عليها
انا اسف صدعتكوا كفايه كلام لاننا لو فتحنا فى الكلام مش هنخلص ولو بعد سنة
السؤال الصحيح : احنا مشكلتنا الحقيقية ايه؟؟؟؟؟؟؟؟؟
مستنى اَرائكم
5 comments:
ممممم..عندك حق يا ضياء..ايه هى ياترى مشكلتنا الحقيقة؟؟ اظن احنا محتاجين ان كل واحد يقعد مع نفسه ويعرف مشكلته فين..احنا مش هنلاقي مشكله اساسية تجمعنا كلنا...كل واحد وليه مشكله حقيقه تؤثر عليه وعلى حياته وعلى مستقبله...اظن بسبب الزمن اللي احنا فيه والظروف اللي بنمر بيها وخصوصا اننا عايشين ف بلد بيحكمها ناس وقوانين هما فى نظرى اكبر مشكلتنا...مش زى باقي الدول سواء الاسلاميه ولا الاوربيه..مشكلة بعضنا ممكن يكون سببها عدم الثقة لا بالنفس ولا بالاشخاص ولا بالامكاينات...في حاجات كتير اوووى هى اللي بتمثل مشكلتنا الحقيقه
...
بجد اشكرك جداا ع الموضوع الرائع ده
نبدا فى الاول..هل انت فى مشكله فعلا او وهم
بص اى مشكله ممكن نبص لها من وجهتين
الشخص المتفائل هيقول اهو ادينى باخد حسنات او ادينى بتعلم او..او ..هيفكر فى حاجات كتيره هتلاقيها كلها من صالحه
هييجى عمو المتشائم بقى و يقولك ما هو يوم اسود من اوله..انا حظى كده...انا ماليش خير فى حاجه..و هكذا..الموضوع مشم وضوع مشكله ولا وهم
تؤ..كلنا عندنا مشاكل محدش معندوش يعنى
السؤال يبقى انت بتبص للى حصل ده ازاى
خلاص قدر الله و ما شاء فعل و خيرا ان شاء الله
ولا هى الدنيا كده و مش هعيش فيها و عايز انتحر..و للأسف على فكره كتير اوى مننا بيفكر بالطريقه التانيه دى..حتى انا كمان ساعات بفكر بيها..:(
و عجبتنى اوى حته السعاده الحقيقيه الرضا بالرزق و راحه الضمير
فعلا مهما اعطاك ربك
لو انت مش راضى بيه عمره ما هيكفيك لكن لو عندك قناعه و رضى بما قسمه الله لك اقل حاجه هتبسطك و تخليك مستريح نفسيا
..:)
اما السؤال صحيح احنا مشكلتنا ايه...هى مش مشكله واحده..:D
كل واحد ليه مشاكله الخاصه بيه..و اهو بنحاول نكمل و نمشى و نخلص من المشكله و نفوق منها تانى...و المشاكل مش بتخلص..هتخلص مشكله هتطلع لنا واحده تانيه من حيث لا ندرى..المشكله بقى اننا منخليش المشاكل دى تسيطر على حياتنا
منحسش ان كلها مشاكل ...تؤ طبعا..ده قمه الغباء..:D
لا نحاول نتعايش مع المشاكل و فى نفس الوقت نستمتع بحياتنا..ما هو احنا كده كده عايشين ..يبقى هنقضيها نكد و حزن ولا نخلى الحياه كووول و واحده واحده نحل مشاكلنا..
:)
انا رغيت كتير اوى..:D
اعتقد يا ضياء ان مشكلة الانسان الحقيقية هى ان كل حد مش راضى بحاله كلنا عاوزين وعاوزين وعاوزين ومعتقدش ان دا وحش او غلط
لان كل انسان نفسه يعيش كويش فى مستوى كويس ويعيش اسعد انسان فى الدنيا ويتجوز حد بيحبه ويشتغل شغلانة كويسة بمرتب عالى ..كلنا عايزين كل حاجة ومطالبنا مش بتنتهى لان دى طبيعة الانسان
هى المشكلة ان طموحنا حطناله حد معين...ولو معرفناش نجيب الحد ده...بنكتئب..مع ان المسألة ابسط من كده
هرد عليك بالليل
سمسمة:
اكيد يا سمسمة الظروف اللى بنمر بيها و خصوصا فى بلادنا طبعا .. ربنا يوفقك الجميع يارب
كاتروز :
بالظببببط يا كات انت بتتعامل ازاى مع المشكلة اللى تواجهك هل هتكسرك و مش هتعرف تكمل ولا انت اقوى منها و لازم تكمل بالظبط كده ..
باربل :
عندك حق والله يا باربل هى ديه فعلا طبيعة الانسان صح .. بس انا بقول لو الانسان مقدرش يحقق حاجة فيهم مثلا مش نهاية العالم لسة اودامه فرصة و اتنين و عشرة :)
سفاح :
مستنى ردك بليل .. لان ردك كان فى السريع اوى عارف عشان امتحانك يا حبى فى إنتظارك
Post a Comment